ល្បែងស៊ីសង ក្នុងក្រុងសៀមរាប បង្កប់តាម អិនធើណេត កើតមាន ពេញបន្ទុក
30-June-2016 | ដោយ មែន កំសត់
ខេត្តសៀមរាប៖ សេចក្ដីរាយការណ៍ បានឲ្យដឹងថា ទីតាំងអិនធើណេត ជាច្រើនក្នុង ក្រុងសៀមរាប មានបង្កប់ល្បែង ស៊ីសង ដោយខុសច្បាប់ តាមប្រព័ន្ធ អនឡាញ។
ក្នុងនោះ ត្រូវបាន សេចក្ដី រាយការណ៍ រៀបរាប់ ពីទីតាំង ល្បែងជ្រក ក្រោមស្លាក អិនធើណេត ២៤ម៉ោងផងដែរ។
បើតាម សេចក្ដីរាយការណ៍ បានបញ្ជាក់ថា ទីតាំងល្បែង ស៊ីសង ជ្រកក្រោម ស្លាកអិនធើណេត នោះទី ១នៅជាប់លីកាស៊ី ខារាអូខេ ផ្លូវហ្វីលីង(៧៧៧ Net) ទី២ផ្លូវផ្សារញ៉ែ ខាងត្បូងស្តុបទន្លេសាប(៩៩) ទី៣ផ្លូវបារបាក់ខែង(P.H ២៤) ទី៤ផ្លូវផ្សារញ៉ែ ខាងត្បូងស្តុប ទន្លេសាប(៨៨ណេត) ទី៥ផ្លូវតាភុល() ទី៦ផ្លូវតាភុល(៨៨៨៨) ទី៧ផ្លូវតាភុល (អេមណិត) ទី៩ផ្លូវ លោកតាខៀវណើយ និងក្រោយ គ្លិនិកនាគទេព ក្នុងនោះក៍មាន ទីតាំងមួយ ចំនួនទៀតផងដែរ។
តាមប្រភព បានឲ្យដឹងទៀតថា ថៅកែម្ចាស់ អិនធើណេត នៅក្រុងសៀមរាប ដែលបាន បើកល្បែង ស៊ីសង ល្មើសច្បាប់នោះ ជាមន្ត្រី សមត្ថកិច្ច មួយចំនួន និងមួយចំនួន ទៀតមាន ខ្សែរខ្នង បង្អែកជា សមត្ថកិច្ចដែរ ដូច្នេះ ប្រការ ដែលអាជ្ញាធរ សមត្ថកិច្ច ចុះទៅ បង្ក្រាប ហាក់បី មិនមាន ប្រសិទ្ធិភាព។
តាមសេចក្ដីរាយការណ៍ ដដែលបាន បន្ថែមថា នៅកន្លែងអិនធើណេត ខាងលើមានល្បែង បាការ៉ាត់(ប៉ក់៣សន្លឹកផងដែរ។ យ៉ាងនេះក្ដី គេហទំព័រ សៀមរាបប៉ុស្ដិ៍ នៅមិនទាន់ ទទួលបាន ការបកស្រាយ បំភ្លឺពី អាជ្ញាធរ និងសមត្ថកិច្ច នៅឡើយទេ។ ប្រជាពលរដ្ឋ សង្ឃឹមថា អាជ្ញាធរ និងសមត្ថកិច្ច និងធ្វើការ ចុះត្រួត ពិនិត្យ នៅទីតាំង ខាងលើ តើមាន ល្បែងដូច ព័ត៌មាន ពលរដ្ឋ រាយការណ៍ ដែរឬទេ? ក្នុងនោះពលរដ្ឋ ជឿជាក់ថា អាជ្ញាធរនិង សមត្ថកិច្ច និងបង្ក្រាប ល្បែងស៊ីសង ទាំងនេះ ជាក់ជាមិនខាន៕
ចំនួនអ្នកទស្សនា
- ថ្ងៃនេះ2121
- ម្សិលមិញ5261
- សប្តាហ៍នេះ28511
- ខែនេះ33351
- ឆ្នាំនេះ817981
- សរុប21260437